ការ​ចរចា​សន្តិភាព​ថៃ នៅ​ម៉ាឡេស៊ី គឺជា​របៀបវារៈ​កំពូល

នាយករដ្ឋមន្ត្រី​ថៃ លោក​ប្រាយុធ ចានអូចា នឹង ដឹកនាំ​គណៈប្រតិភូ​មួយ​ក្រុម​ទៅ ម៉ាឡេស៊ី​នៅ​ថ្ងៃ​នេះ ដោយ​សេក្តី ពិស្តារ​នៃ​ផែនការ​ចរចា​សន្តិភាព ជា​របៀបវារៈ​កំពូល។

លោក​នាយករដ្ឋមន្ត្រី បាន​ថ្លែង ថា ក្រុម​ណា​ដែល​ចូលរួម​ក្នុង​ការ​ចរចា​នេះ ពិតជា​ត្រូវ​បាន​ទទួល​យក​ដោយ​គ្រប់ភាគី ក្នុង​នោះ​មាន​ទាំង​ភាគី​ម៉ាឡេស៊ី​ផង។

អ្នក​នាំពាក្យ​រដ្ឋាភិបាល លោក​Yongyuth Maiyalarp បាន​និយាយ​ពី​ថ្ងៃ​សៅរ៍​ថា បំណង​សំខាន់ នៃ​ដំណើរ​នេះ​គឺ ដើម្បី​ពង្រឹង​ទំនាក់ទំនង​ទ្វេភាគី ជាពិសេស​លើ​បញ្ហា ភាគ​ខាង​ត្បូង​ថៃ ខណៈ​ម៉ាឡេស៊ី បាន​សម្របសម្រួល​ការ​ចរចា​ជាមួយ​រដ្ឋាភិបាល​ពី​មុន។




យោងតាម​លោក Yongyuth ឲ្យ​ដឹង​ថា លោក​នាយករដ្ឋមន្ត្រី​និង​គណៈប្រតិភូ​របស់​លោក​នឹង អញ្ជើញ​ដល់​ក្រុង​គូឡាឡាំពួ នៅ ព្រឹក​ថ្ងៃ​ចន្ទ​នេះ និង​រៀបចំ​កិច្ចពិភាក្សា​ជាមួយ​នាយករដ្ឋមន្ត្រី​ម៉ាឡេស៊ី លោក​ណាជីប រ៉ាហ្សាក់​និង បន្ត​ដោយ​ការពិភាក្សា​ជាមួយ​ក្រុម ថៃ និង​ក្រុម​អ្នកជំនួញ​។

គណៈប្រតិភូ​របស់​លោក​ប្រាយុធ នឹង​មាន​រដ្ឋមន្ត្រី​ការពារ​ជាតិ លោក Prawit Wongsuwon រដ្ឋមន្ត្រី​ការបរទេស​លោក Tana sak Patimapragorn ប្រមុខ​កងទ័ព​លោក​Udomdej Sitabutr ប្រធាន​ក្រុម​ទីប្រឹក្សា​កងទ័ព លោក Aksara Kerdpol អគ្គលេខា​ក្រុម​ប្រឹក្សា​សន្តិសុខ​ជាតិ លោក​Anusit Kunakorn និង​ក្រុម​មន្ត្រី​ជាន់ខ្ពស់ ទទួល​បន្ទុក​តំបន់​ភាគ​ខាង​ត្បូង​ថៃ។

កាលពី​ថ្ងៃ​សុក្រ ឧត្តមសេនីយ៍​ប្រាយុធ បាន​និយាយ​ថា លោក មិន​ទាន់​បាន​តែងតាំង​ជា​ផ្លូវការ នៅ​ឡើយ នូវ​ប្រមុខ​អ្នក​ចរចា​ថ្មី​សម្រាប់​ការ​ចរចា​សន្តិភាព​ថ្មី​នៅ​ភាគ​ខាង​ត្បូង​។

ការ​ពន្យារពេល​នៃ​ការ​តែងតាំង​នេះ កើតឡើង​ចំ​ពេល​មាន​ពាក្យ​ចចាមអារ៉ាម​ថា ម៉ាឡេស៊ី​ពេញចិត្ត​ឲ្យ​មាន​ជនស៊ីវិល​ថៃ ជា​ប្រមុខ​ចរចា​ជាង។

លោក ប្រាយុធ បាន​និយាយ ថា រចនាសម្ព័ន្ធ​ក្រុម​ថៃ​ត្រូវ​បាន​បញ្ចប់​ហើយ ប៉ុន្តែ​ការ​ចរចា​ដែល​ម៉ាឡេស៊ី គឺជា​អ្នក​សម្របសម្រួល គឺជា​ការ​ចាំបាច់​៕